Опис
На првиот работен ден во психијатриската болница, специјализантот Војдан Лукин добива една навидум обична, но интригантна задача: да проучи писма што ги пишувала некоја дамнешна пациентка. Тој не може да претпостави каква тајна содржат едноставните, романтични реченици упатени до непознат примач.
Илија Петровски е 87-годишен старец, со кревко здравје и со живи спомени. Деновите му се еднолични, а во главата му се одвива динамичен филм од неговата бурна младост што го оддалечи од можноста за семеен живот. Илија не е свесен што му носи блиската иднина.
Духовите од минатото не мируваат и ќе се вратат да ги порамнат нерасчистените сметки, вкрстувајќи ги патиштата на Војдан и на Илија.
„Писма од лудница“ е загадочен политички трилер за уделот на агентите на УДБА во сочувувањето, односно во уривањето на југословенската заедница на народите и крвавиот раскол на идеологијата позната како „братство и единство“.
