Престижниот „Њујорк тајмс“ деновиве објави топ 100 листа со најдобрите книги на 21 век, според читателите, на која се најдоа шест романи во издание на „Арс Либрис“, дел од „Арс Ламина – публикации“. Главен критериум при селекцијата бил книгите да се објавени по 1 јануари 2000 година, а за најдобрите гласале писатели, читатели, членови на книжевни клубови и претставници од „Њујорк тајмс“.
Од изданијата на „Арс Ламина“, на втората позиција се најде добитникот на „Пулицерова награда“ – „Сета светлина што не можеме да ја видиме“ од Ентони Дорж. На 22. место е извонредниот наслов од Меги О’Ферел, „Хамнет“, а 20 места подолу е „Краткиот чудесен живот на Оскар Вао“ од Џуно Диаз, исто така добитник на „Пулицерова награда“.
Две книги од една од најдобрите нови авторки, Ен Пачет, се најдоа на ова одбројување: „Холандската куќа“, која е на 60. место и новиот роман „Том Лејк“, што е на 82. место. Седмиот дел на најпознатиот книжевен серијал од писателката Џ. К. Роулинг, „Хари Потер и реликвиите на смртта“ е рангиран на 73. позиција.
Во продолжение дознајте повеќе за романите, кои се достапни во сите поголеми книжарници и онлајн преку www.literatura.mk.
2. „Сета светлина што не можеме да ја видиме“ од Ентони Дорж
Мари-Лор живее во близина на Природонаучниот музеј во Париз, каде што нејзиниот татко работи како главен клучар и е последниот чекор помеѓу светот и големите музејски тајни. Мари-Лор ослепува на шестгодишна возраст, па нејзиниот татко ѝ моделира една беспрекорна минијатура на нејзината населба, за таа да може тактилно да го меморира секој агол и секогаш да знае да го најде патот накај дома. Шест години подоцна, Германците го окупираат Париз и, по игра на случајот, Мари-Лор и нејзиниот татко завршуваат во Сен-Мало со највредниот музејски експонат: легендарниот скапоцен камен Пламено море. Во меѓувреме, сираците Вернер и неговата сестра Јута растат во Цолферајн, рударскиот центар на Германија во тоа време, чијшто воздух станува сѐ позагаден благодарејќи на Гебелсовата пропаганда. Уште како малечок, откако наоѓа и поправа едно фрлено радио, Вернер се фасцинира од необичноста на овие нови инструменти што се способни да ги уловат гласовите што невидливо треперат околу нас.
Книгата е достапна во сите поголеми книжарници и онлајн преку www.literatura.mk.
https://www.literatura.mk/istoriska-fikcija/10153-seta-svetlina-sto-ne-mozeme-da-ja-vidime
22. „Хамнет“ од Меги О’Ферел
Двајца исклучителни луѓе. Љубов која ги спојува. Загуба што им се заканува да ги уништи. Еден летен ден во 1596 година во Стратфорд, 11-годишното девојче Џудит одненадеж ќе го кутне силна грозница. Хамнет, нејзиниот брат близнак, е во панична потрага по помош. Но, нема никој дома. Мајката Агнес се наоѓа на имот оддалечен речиси два километри каде што одгледува лековити билки и пчели. Таткото работи во Лондон. Ниту еден од нив не насетува дека едното дете ќе им умре. Романот Хамнет е силна приказна за бракот и семејството кои се опустошени од тага и загуба, но и нежен, незаборавен портрет на момче чиј живот е заборавен, а чие име ја носи една од најпознатите драми на сите времиња. Импресивното дело на Меги О’Ферел е меѓу најфалените романи напишани на англиски јазик последниве години, светски бестселер и добитник на престижни награди, меѓу кои „Воменс прајз“ и „Бритиш бук авордс“. Приказната за Хамнет Шекспир го чекала својот раскажувач повеќе од четиристотини години.
Книгата е достапна во сите поголеми книжарници и онлајн преку www.literatura.mk.
https://www.literatura.mk/istoriska-fikcija/29298-hamnet
42. „Краткиот чудесен живот на Оскар Вао“ од Џуно Диаз
Добитник на „Пулицерова награда“ за проза Оскар, гето-бубалица со исклучително големи познавања за маргинализираната стрип, гејмерска и научно-фантастична супкултура, но без никаков талент за приоѓање на девојка, го живее животот растргнат меѓу желбата да стане „доминиканскиот Толкин“ и самотната реалност во која единствени пријатели му се оние што сакаат преку него да стигнат до неговата сестра. Иако израснати во Њу Џерси без татко и од строга мајка, Оскар и Лола се наследници на една историја коренито и неповратно подриена од страна на лудиот диктатор Трухиљо. Па, сепак, соочени со неизбежната трагедија на сопствените животи, тие пркосно се обидуваат од нив да извлечат убавина и љубов. Долго подготвуван и уште подолго очекуван, „Краткиот чудесен живот на Оскар Вао“ е првиот роман на популарниот, оригинален и критички уважен Џуно Диаз. Искрен и топол, трогателен и комичен, романот е книжевен триумф, една од најдобрите книги напишани во текот на 21 век.
Книгата е достапна во сите поголеми книжарници и онлајн преку www.literatura.mk.
https://www.literatura.mk/sovremena-knizevnost/10151-kratkiot-cudesen-zivot-na-oskar-vao
60. „Холандската куќа“ од Ен Пачет
На крајот од Втората светска војна, Сирил Конрој го послужува среќата кога со една мудра инвестиција ќе создаде огромна империја со недвижности, воздигнувајќи го семејството од сиромаштија до екстремно богатство. Неговиот прв деловен потег е купувањето на Холандската куќа, раскошен имот во предградијата надвор од Филаделфија. Предвидена како изненадување за неговата сопруга, куќата станува причина да ги изгуби сите што ги сакал. Приказната е раскажана од синот на Сирил, Дени, додека тој и неговата сестра Мев се избркани од куќата во која пораснале со нивната маќеа. Тие, од богатство, повторно се фрлени во сиромаштијата од која излегле нивните родители и откриваат дека можат да сметаат само еден на друг. Градат цврста врска што ги спасува нивните животи и ја исцртува нивната иднина. Раскажана во временски период од пет децении, Холандската куќа е мрачна бајка за двајца паметни луѓе кои не можат да го надминат минатото.
Книгата е достапна во сите поголеми книжарници и онлајн преку www.literatura.mk.
https://www.literatura.mk/istoriska-fikcija/26165-holandskata-kuka
73. „Хари Потер и реликвиите на смртта“ од Џ. К. Роулинг
Хари Потер го напушта домот на Дарслиеви на истиот начин како што и пристигна на Привет драјв бр. 4 – на џиновскиот мотор на Хагрид. Овој пат, сè е поразлично: тој веќе нема да се врати кај своите роднини, магијата што со години го заштитуваше е прекината, а зад неговите петици се смртојадите и лордот Волдеморт. Но, пред конечното соочување со Мрачниот господар, Хари и неговите пријатели мораат да ги пронајдат и да ги уништат преостанатите хоркрукси – зашто само така Волдеморт може да биде поразен и доброто да го надвладее злото. „Хари Потер и реликвиите на смртта“ е седмиот и последен дел од серијалот за младиот волшебник Хари Потер и неговите авантури во светот на волшебниците и магијата.
Книгата е достапна во сите поголеми книжарници и онлајн преку www.literatura.mk.
82. „Том Лејк“ од Ен Пачет
Во овој прекрасен, топол и емотивен роман за семејството, за љубовта и за созревањето, Ен Пачет уште еднаш докажува дека е една од најдобрите американски писателки. Пролет 2020 година. Трите ќерки на Лара се враќаат во семејниот овоштарник во северен Мичиген. Додека собираат вишни, тие ја молат мајка им да им ја раскаже приказната за Питер Дјук, познат актер со кого таа пред многу години ја делела сцената и била во врска додека биле ангажирани во театарската компанија наречена „Том Лејк“. Додека Лара се присетува на минатото, нејзините ќерки ги преиспитуваат своите животи и односот со мајка им и се принудени одново да размислат за светот и за сè она што мислеле дека го знаат. „Том Лејк“ е медитација за младешката љубов, брачната љубов и животите што родителите ги имале пред раѓањето на децата. И надежно и елегично, истражува што значи да се биде среќен дури и кога светот се распаѓа. Како и во сите нејзини романи, Ен Пачет комбинира привлечна наративна уметност со пробивен увид во семејната динамика. Резултатот е богата и оптимистична приказна, раскажана со длабока интелигенција и емоционална суптилност, со што Пачет уште еднаш покажува зошто е еден од најпочитуваните книжевни таленти кои работат денес.
Книгата е достапна во сите поголеми книжарници и онлајн преку www.literatura.mk.
https://www.literatura.mk/sovremena-knizevnost/61091-tom-lejk