По успехот – прво место во категоријата за најдобар блог за 2018, и оваа година blog.literatura.mk повторно е номиниран на изборот „Сајт на годината“. Имено, нашиот блог е еден од кандидатите во категоријата за најдобар блог во 2019 година. Покрај блогот номинирани се и нашите сајтови: Literatura.mk, Libi.mk, resursi.literatura.mk и obrazovanie.literatura.mk во неколку категории. За Сајт на годината 2019 номинирани се: Literatura.mk и Obrazovanie.literatura.mk, за е-трговија и огласи – Literatura.mk и за Најдобар сајт за образование, наука и култура: Obrazovanie.literatura.mk, Libi.mk, Literatura.mk и Resursi.literatura.mk
Вашите гласови може да ги дадете на веб-страницата „Сајт на годината“ (на следниот линк http://sajtnagodinata.mk/pages/site_votes/app_for_vote.php), каде што треба да се пријавете со вашата е-адреса, потоа отворете ја вашата електронска пошта каде што ќе пристигне линк за гласање. Од линкот можете да гласате само еднаш. Гласањето од интернет посетителите ќе трае заклучно со 11.12.2019. Секој интернет-посетител може да распредели по 10, 6 и 2 поени во три категории.
Прогласувањето на најдобрите сајтови за 2019 година ќе се одржи на 17.12.2019 (вторник) во просториите на Europe House Skopje (ЕУ Инфо Центар) во 18 часот.
Слецијализираниот блог за љубителите на пишаниот збор, blog.literatura.mk, кој четири години е во постојана потрагата по интересни содржини и ширењето на мисијата за читање на литературата, досега неколку пати има освоено награда во категоријата за најдобар блог на изборот „Сајт на годината“. Минатата година триумфира на првата позиција, во 2016 и 2017 година беше на второ место за најдобар блог, а во 2014 на третата позиција.
„Сајт на годината“ е манифестација која по десети пат во Македонија ги избира најдобрите веб-сајтови во повеќе категории. Манифестацијата е организирана од „Медија солушнс“ (Media Solutions) и системот за онлајн реклами „Кип ан ај“ (Keep An Eye), а под покровителство на Град Скопје, ИАБ Македонија и Министерството за информатичка технологија.
Избор за Сајт на годината е проект кој има за цел да ги промовира, развива и поддржува интернет медиумите и севкупното интернет издаваштво во Македонија. Сајт на годината ги адресира сите прашања поврзани со електронскиот медиум и простор во Македонија. Мисијата на оваа манифестација е да го подигне нивото на електронскиот медиумски простор во Македонија преку препознавање и наградување на најдобрите остварувања од разни области на електронското издаваштво и развој на интернет културата во Македонија.
