Студеното време е идеално за добра книга и вкусен чај! Во топлиот амбиент на книжарницата „Литература.мк“ на улицата „Македонија“ вчера (10.12.2019), се одржа настанот „Литература и чај“. На чајанката, во организација на издавачката куќа „Арс Ламина“, книжаницата „Литература.мк“ и „Подравка“ гостуваа познати ТВ лица, новинари, автори, блогери, инфлуенсери и администратори на најпосетените книжевни форуми на „Фејсбук“. На неформалната дружба, тие уживаа во најновите книги од „Арс Ламина“ и во ароматичните чаеви од „Подравка“.
