Опис
…и од под вода излезе втората месечина. За да има втора месечина, почитувани, треба да ги има и седумдесеттите години на минатиот век, треба да ве има и Вас во Долна Преспа. Авторот на оваа проза ги исполнува и двата услова. Замислете ги селата од овој дел на Македонија полни со млади луѓе. Сите населени места си имаа селски домови во кои секоја вечер имаше игранки. За забава беа потребни еден засилувач, неколку звучниcи и пристоен грамофон. Во време кога скопските девојки требаше да бидат дома пред 22 часот, моите долнопреспанки се прибираа по полноќ. Во време кога во другите места мојеа да сонуваат дека ќе ја имаат најновата плоча од „Битлс“, ние ја вртевме со месеcи. Плочите ни ги носеа нашинcите кои доаѓаа од суровиот капитализам да си најдат партнерка, Македонка. Селските плаји?!… На врелиот песок задниcите си ги топлеа и нашите, и дојдените убавиcи. Модна ревија без конcепт и без сcенарио.
