Опис
Во книгата Редоследот на времето, италијанскиот физичар Карло Ровели пишува за една од големите нерешени мистерии во физиката – времето. Времето како физичка величина е енигматично. Филозофите, уметниците и поетите забележале дека неговата структура е различна од нашето едноставно, интуитивно поимање. Од Болцман до квантната теорија, од Ајнштајн до квантната гравитација, нашето сфаќање на времето претрпе радикални измени. На различни места времето тече со различна брзина, минатото и иднината се многу помалку различни отколку што ни се чини, а во пространството на вселената самиот поим за сега исчезнува без трага. Во овој извонредно забавен, читлив, но истовремено и поучен бестселер на Њујорк тајмс, со шарм типичен за некој што е инспириран, Карло Ровели ни ја открива мистеријата на времето, понесувајќи не на возбудливо патешествие во еден свет во кој времето е во нас, а ние не сме во времето.
