Опис
Дејството во романот „Прогон“ се случува во текот на 46-те минути, колку што трае изведбата на Бетовеновата симфонија „Ероика“ во театарот во Хавана, каде што се крие еден млад човек, кој поминува низ политичка битка, терористичка акција, измачување и предавство. Неговите поранешни другари, сега прогонувачи, го чекаат во задните редови на театарот. Користејќи ги своите раскажувачки техники и јазично мајсторство, преку плуралитет на гласови, Алехо Карпентиер ја обработува политичката клима во Куба во текот на турбулентните години од владеењето на диктаторот Мачадо, преку аспекти што ни го даваат клучот за разбирање на животот на протагонистот
(неговата политичка борба, семејните и интимните односи, неговите религиски погледи и гризењето на совеста).
