Опис
Вежбанката по предметот ПРИРОДНИ НАУКИ за петто одделение во деветгодишното основно образование е создадена според новата програма за овој предмет донесена од Бирото за развој на образованието и ги покрива сите општи и конкретни стандарди од неа.
Во оваа вежбанка, детето ќе учи за природно-географските карактеристики на континентите, за животниот циклус на цветните растенија, како и за односот на живите организми во животната средина. Учениците ќе се запознаат и со основните поими поврзани со смесите, а темата за светлина и сенки е обработена на едноставно и разбирливо ниво, соодветно за оваа возраст.
Активностите во оваа вежбанка се интересни и забавни и ги поттикнуваат учениците на критичко размислување и логичко расудување.
Како составен дел од оваа вежбанка се и шеми за изработка на модели што учениците ќе можат самостојно да ги изработат и притоа активно да учат.
