Опис
Дејството на Капетан Конан се случува за време на Првата светска војна на балканските простори, непосредно по објавувањето на примирјето од 1918 година. Елитната единица доброволци, под команда на поручник, а потоа и капетан Конан, во тој момент се наоѓа на Дунав во Романија каде што е пратена како поддршка, но во услови на намалена воена активност. Тоа е можност војниците да му се вратат на цивилниот живот, но и на воените судови. Норбер, пријателот и соборец на Конан, е поставен за поручник-известител со задача да води истрага за Французите обвинети за воени злосторства и потоа да ги изведе пред воениот совет. Конан е обвинет за убиство, но Норбер одбива да го предаде својот другар, па ја напушта функцијата и се враќа на фронтот. Таму, за време на последната битка – која се води неколку месеци по примирјето – се покажува како херојски водач и со помош на тогаш притворениот Конан, успева да излезе како победник.
