Опис
Јурај Хордубал по осум години поминати во Америка на печалба се враќа во родниот крај кај својата жена Полана и ќерка си Хафија. Тој ги идеализира ситуациите и очекува дека ќе наиде на топло добредојде, но реалноста е поинаква, а за тоа ќе се погрижи љубовникот на Полана, измеќарот Штефан Манија. Односите помеѓу двајцата мажи стануваат тензични, па Манија е принуден да го напушти имотот на Хордубал, но тоа не влијае врз љубовната афера со Полана и тие и понатаму тајно се сретнуваат. Хордубал постојано наивно верува во невиноста на Полана, па затоа е презрен и изолиран од соселаните. Манија, во договор со Полана, го убива Хордубал на спиење и му ја краде целата печалба. Религиозната средина го претвора судењето во инквизиција, каде што правниот поим злосторство станува грев кон Бога.
