Опис
Кој е човекот познат како Сабуро, таинствениот бандит кој ги ограбува богатите и им помага на сиромашните? И која е неговата врска со Јошида, грубиот и темпераментен господар на најпознатиот куклен театар во феудална Јапонија? Младиот Дјиро, чирак кај Јошида, е решен да дознае, дури и по цена на сопствениот жживот.
Во меѓувреме, Дјиро се посветува да го изучи кукларството. Кинши, синот на главниот куклар, го подучува. Кога неговиот спокоен жживот во театарот ќе го нарушат банди на гладни, разбунтувани селани, Дјиро станува свесен дека постојат и поважни одговорности од неговата вештина. Додека смислува како да му помогне на другар му Кинши и како да си ги пронајде родителите, Дјиро наидува на една опасна и моќна тајна…
Главниот куклар е наградена со наградата Национална книга за детска литература во САД, а ја носи и титулата „Истакната книга“ според Американското библиотекарско друштво.
