Опис
Најновиот роман на Владимир Јанковски ”Ехото на акробатите”, добитник на наградата ”Пегаз” за најдобар необјавен роман во 2024, повеќе е граматика на љубовта, отколку што е љубовна приказна. Не напуштајќи ја својата препознатлива раскажувачка поетика базирана на љубовта со сите нејзини убави лица и грди опачини, Јанковски овојпат подлабоко загребува и во општеството и во семејните односи.
”Ехото на акробатите” е скршена семејна фотографија со татко во центарот и деца расфрлани по периферијата, наративна сложувалка со 100 ”глави” и недоброј значенски ”опашки”. Со мајсторски минимализам и кристално избрусен стил, Јанковски филмски јаи змонтирал приказната за тагата и празнината, за успехот и неуспехот, за подемот и падот на едно семесјтво… со досетливи, длабоки и незаборавни кадри и резови.
