Опис
Јосе Луис Пеишото е еден од најпознатите и најпродаваните португалски современи автори. Тој е роден во мало рибарско гратче во португалскиот регион Алентејо и има дипломирано на катедрата за современи јазици и литература на Универзитетот „Нова“ во Лисабон. Пред да стане писател во 2001 година, неколку години работи како учител во Португалија и на Зелено’ртските Острови. Делата на Јосе Луис Пеишото се преведени на повеќе од 26 јазици и е добитник на повеќе реномирани литературни награди. Славниот Сарамаго за него вели дека тој е едно од најголемите и најпријатни откритија во скорешната португалска литература.
„Длабоко во тајната“ е патопис за неговото патување во Северна Кореја, каде што Јосе Луис Пеишото е привилегиран спектатор на гротескната прослава на стогодишнината од раѓањето на починатиот диктатор Ким Ил Сунг во Пјонѓанг.
