Опис
Очите му стоеја на долги рокчиња, како на полжав, и рокчињата можеше да ги придвижува напред-назад, како телескопи; ушите му беа како на лилјак, а мешето како на пајак, и му беше покриено со густо меко крзно; и рацете и нозете му беа покриени со крзно, и имаше мајмунски дланки и стапала.
Кога Сирил, Антеа, Роберт, Џејн и нивното мало братче ќе почнат да копаат во јамата со чакал ќе пронајдат, ни повеќе, ни помалку, туку еден вистински Псамеад – древно суштество со многу невообичаен изглед, кое исполнува речиси се што ќе посакаат петте деца! Но, што да се посака?! Она што ќе го дознаете од оваа книга е дека одговорот на ова прашање воопшто не е лесен – затоа, пак, потрагата ќе ве однесе низ најразлични авантури и интересни случки.
