Опис
Оваа приказна не почнува со еден убав сончев ден на ливада, ниту, пак, со викенд на градската плажа. Па, дури ниту со прошетка во продавницата за дрвени играчки. О, не! Оваа приказна почнува на најсмешен, најчуден и најневеројатен начин, кога Оливер Томпсон Мекензи Трети, едно петгодишно дете од Шкотска, одбило да се капе во недела – одлука што длабоко ги вчудовидела и стаписала неговите родители. Оли стоел цврсто на својот став: не прифаќал ниеден компромис и одбивал по секоја цена да ги стави нозете во водата, која, како и обично, мирисала на градина со узреани малини. Дури кога конечно го прашале зошто не сака да се капи, Оли им раскаал на своите родители за еден настан што вклучува една дружина од петмина, една метла, една Вештерка, една пита од брокули и, како да ви кажам, еден пар смрдливи чорапи.
