Опис
Две сестри патуваат во Софија, во конвој од луксузни лимузини, за да го закопаат нивниот омразен татко. Како туристки, нив ги превезува шармантниот шофер Румен Апостолов. Едната сестра е седната на задното седиште, другата на совозачкото. Првата остра и агресивна, втората учтива и внимателна. Со зајадлив тон, Апостолов им ги претставува богатствата на неговата сакана татковина: керамиката украсена со паунови очи (што не се препорачува за употреба, бидејќи глазурата иж е отровна), крајбрежјето на Црното Море (што е целосно уништено), архитектурата (што е злосторство на дваесеттиот век). Неговите обиди да ги освои се чини се осудени на пропаст, со оглед на тоа што бугарското наследство на сестрите им е тежок товар – нивниот татко, успешен лекар и меланхоличен имигрант, им се појавува во соништата како го влече јажето со кое се самоубива.
