Издавачката куќа „Арс Ламина“ е дел од натпреварот „Книга на годината“ во земјава, кој се одвива онлајн на веб-страницата www.kniganagodinata.com.mk и каде што сите читатели можат да го дадат својот глас за омилените изданија. Селекцијата се базира на 9 жанровски категории каде што се номинирани по 15 до 20 изданија, а сите заинтересирани можат да гласаат до 20 ноември. Ќе бидат доделени награди за: трилер на годината, романса на годината, историска драма, женска фикција, книга од домашен автор, детска книга, нефикција, книги за млади и поезија. Додека, за тоа која ќе биде книга на годината ќе се одлучи врз основа на освоените гласови во рамки на сите категории како и дополнително проценување од неколку библиотеки во земјава, најголемите книжарници и онлајн книжарниците, како и од членовите на комисијата кои ќе спроведат свои истражувања и ќе дадат свој глас.
Голем број изданијата на „Арс Ламина“ се најдоа во потесниот избор во речиси сите категории.
„Лето како во Мама Миа“ – Ени Робертсон
„Заеднички стан“ – Бет О’Лири
„Дејзи Џонс енд Д сикс“ – Тејлор Џенкинс Рејд
„Момчето од шумата“ – Харлан Кобен
„Бегај“ – Харлан Кобен
„Анонимна девојка“ – Грир Хендрикс и Сара Пеканен
„Што направи?!“ – Клер Мекгован
„Мојата прекрасна сопруга“ – Саманта Даунинг
„Каде што шумата се среќава со ѕвездите“ – Гленди Вандера
„Прашај ме повторно, ќе ти речам ДА“ – Мери Бет Кин
„Миа во Амстердам“ – Јана Мишо
„Денот кога не се разбудив“ – Моџо Килингтон
„Тошо Малерот: монологија“ – Васко Тодоров
„Хари Потер и каменот на мудроста“ – Џ.К.Роулинг
„Преминот не е осветлен“ – Оливера Николовска
„Архангел: ослободување на ѕверот“ – Даниел Бибовски
„Поларна светлина“ – Филип Пулман
„Еднаш засекогаш“ – Сара Десен
„Сè е за*бано“ – Марк Менсон
„Зошто јас?“ – Мартин Јованоски
„Уметноста на едноставното живеење“ – Шунмио Масуно
„Пандемија! Ковид го тресе светот“ – Славој Жижек
„Храбри, наместо совршени“ – Решма Саџани
„Тука сме“ – Оливер Џеферс
„Срцето и шишето“ – Оливер Џеферс
„Девојчето и градот“ – Ване Костуранов
„Сакај ја диво“ – Атикус