Голем број бестселери, дела од домашни автори како и детски изданија од издавачката куќа „Арс Ламина“ ќе може да најдат на попуст до 50 отсто на предновогодишниот саем на книга што ќе се одржува од утре (вторник, 1 декември) до 6 декември во трговскиот центар „Скопје сити мол“. На почетокот од празничната сезона, вљубениците во книгата ќе може да ја „освежат“ својата библиотека со нови и привлечни изданија за сечиј вкус.
На предновогодишниот саем ќе може да се најдат по намалени цени голем број странски дела како „Мојата автобиографија“ од легендата во фудбалот, Сер Алекс Фергусон; „Фајронт во Сараево“ од д-р Неле Карајлиќ; „Е, баш ме заболе“ од Марк Менсон; „Моите изуми“ од Никола Тесла; „И така, ви велам…“ од познатиот монтипајтоновец Џон Клиз; „Љубов во време на колера“ од Габриел Гарсија Маркес, „Лето како во Мама Миа“ од Ени Робертсон итн. Дела од домашни автори, исто така ќе бидат достапни на попуст, меѓу кои „Јас сум Цако“ од Александар Матовски-Цако и „Спортски стории: записи, настани и сеќавања“ од познатиот македонски спортски новинар Зоран Михајлов.
Од литературата за деца на штандот на „Арс Ламина“ ќе може да се најдат многу интересни изданија за најмалите како што се сите делови од серијалот за Исидора Мун, двата дела од „Приказни за добра ноќ за бунтовни девојчиња“, „Малиот Стјуарт“ и многу други.
Посетете го штандот на „Арс Ламина“ и почнете со купување подароци за вас и за вашите најблиски!