Во очекување на 15 септември, кога светот одбележува 135 години од раѓањето на Агата Кристи, „Литература.мк“ ја посветува акцијата „Автор во фокус“ токму на кралицата на мистериите и на крими-романите.
Од 10 до 14 септември, книгите од Агата Кристи во издание на „Арс Либрис“, дел од „Арс Ламина – публикации“, ќе бидат достапни со 30 % попуст во сите книжарници на Литература.мк и онлајн на www.literatura.mk.
Станува збор за: автобиографијата на Агата Кристи и колекционерска едиција со 12 најпознати наслови: „Мистериозниот случај во Стајлс“, „Убиството на Роџер Акројд“, „Лорд Еџвер е мртов“, „Убиство во Ориент експрес“, „Смрт на Нил“, „Зло под сонцето“, „По погребот“, „Завеса: последниот случај на Поаро“, „Мртво тело во библиотеката“, „Во 16:50 часот од станицата Падингтон“, „И не остана ниту еден“ и „Златната топка и други раскази“.
Агата Мери Клариса Милер е родена на 15 септември 1890 година во Торки, Англија. Презимето Кристи го задржала од својот прв сопруг, полковникот Арчибалд Кристи. Се образовала во домашни услови, а нејзината мајка ја охрабрувала да почне да пишува уште од рана возраст. На 16 години таа била пратена во едно училиште во Париз, каде што учела пеење и свирење пијано. Кристи била одлична пијанистка, но нејзиниот страв од сцената и публиката и срамот ја спречиле да продолжи со музичката кариера. Кога нејзината мајка ја однела во Каиро една зима, таа таму напишала роман. Охрабрена од Еден Филипотс, сосед и пријател во Торки, таа почнала со пишувањето и издала неколку стории. Голема љубов ѝ била археологијата, инспирирана од вториот сопруг, археологот Макс Малован, со кого поминала дел од животот на терени во Блискиот Исток.
Во својата 56-годишна кариера објавила повеќе од 70 детективски романи и збирки раскази, како и 19 сценски дела. Под псевдонимот Мери Вестмакот напишала и 6 љубовни романи, а има и една книга за деца.
Важи за една од најславните британски авторки кои твореле во 20 век, а чијашто популарност може да се пресмета и со продажбата на рекордниот тираж од над две милијарди примероци на нејзините книги.
Нејзината слава е постојана и не стивнува дури ни по речиси половина век од нејзината смрт. Постојано се јавуваат нови генерации посветени читатели и обожаватели на нејзиното творештво, а огромен број нејзини наслови биле преточени во филм, драмски изведби, радиоизведби и сл. Огромната популарност на делата на Агата Кристи е забележана и во Гинисовата книга на рекорди како најпродаван и најпреведуван автор на сите времиња. Кристи важи и за прва жена драматург со три претстави кои истовремено се изведувале во Вест Енд. Нејзиното дело „Стапица за глувци“ е најдолговечната театарска претстава во светот.
Кристи е авторка на некои од најпознатите ликови во светската книжевност – белгискиот детектив Херкул Поаро и госпоѓица Марпл. Нејзините заплети пленат со динамика, острoумност и мистерија, а дејството често се одвива во возови, бродови, англиски села, хотели и археолошки наоѓалишта. Нејзините романи фасцинираат со својата проникливост и мистерија. Но, и нејзиниот живот бил мистерија.
Во 1926 година мистериозно исчезнала цели 11 дена по разделбата со првиот сопруг – настан што останал неразјаснет до денес… Но, потоа се враќа и продолжува со животот. Притоа, никогаш не објаснила што ѝ се случило. Затоа, според многумина – книжевната мистерија од Агата Кристи што најмногу ќе ве обземе е всушност нејзината автобиографија, која е објавена на македонски јазик во издание на „Арс Либри“, дел од „Арс Ламина – публикации“.
Повеќе од четири децении по нејзината смрт (12 јануари 1976 година), сè уште постои огромен интерес за нејзините дела и се создаваат нови генерации нејзини посветени читатели.
Кристи, која ја нарекуваат кралица на мистериите и на крими-романите, се издвојува со нејзиното мајсторство на пишаниот збор и начинот на кој го плени читателот со приказната.
Со купен сет книги од авторката следува и подаро