„Картографија на огнот“ е називот на антологијата на 14 македонски поети, која деновиве беше објавена во Богота, Колумбија. Станува збор за прво вакво издание отпечатено во оваа јужноамериканска држава. Издавачи на книгата се „Ладронес дел Тиемпо“ и „Уни Едисионес“, а изборот и предговорот се на академик Катица Ќулавкова, во соработка со Наташа Сарџоска.
Во антологијата се застапени поетите: Катица Ќулавкова, Санде Стојчевски, Ристо Лазаров, Лилјана Дирјан, Славе Ѓорго Димоски, Зоран Анчевски, Владимир Мартиновски, Игор Исаковски, Никола Маџиров, Николина Андова Шопова, Наташа Сарџоска, Јулијана Величковска, Митко Гогов и Ѓоко Здравески.
Песните ги преведоа Игор Поповски, Бојрана Мојсовска, Марко Видал Гонзалес, Елса Бареда Руиз, Јоланда Кастањо, Огнена Никуљски, Хусто Хорхе Падрон, Клеопатра Филипова, Сања Михајловиќ Костадиновска, Перица Јовчевски, Олга Петан, Ирена Синџироска, Адалберто Гарсија Лопез, Марија Петровска, Тамара Масковиќ и Наташа Сарџоска.
Автор на корицата на првата македонска антологија објавена во Колумбија е Стефан Шоме.