Кејт Дикамило е позната како американска писателка на детска фикција и е една од шесте автори кои добиле два медала „Њубери“ за романите „Приказната за Десперо“ и „Флора и Улис“. Таа воедно била и американски амбасадор за литература за млади назначена од Конгресната библиотека во 2014/2015 година.
Нејзиното дело, „Флора и Улис: Возбудливи авантури“ веќе е издадено од „Либи“, дел од „Арс Ламина – публикации“, а неодамна беше објавена и „Приказната за Десперо“. Делата може да се најдат во книжарниците „Литература.мк“ или да се нарачаат онлајн на www.literatura.mk.
Во „Приказната за Десперо“ се зборува за мало глувче со големи уши кое ќе ја земе судбината во своите раце. Тој копнее по свет исполнет со светлина, а тука е и едно осамено девојче со едноставна, но неверојатна желба. Престижниот весник „Њујорк тајмс“ ја оцени оваа книга како едно „извонредно, бравурозно остварување“.
Книгата е адаптирана и во анимирана верзија, каде гласот на глувчето Десперо го позајмува Метју Бродерик, додека се појавуваат и холивудски актери како Дастин Хофман и Ема Вотсон.
